كلمات في الحب للشيخ الهامل

كي نهدر معاك حاولي تفهميني و لي راه في قلبك غير اهدريه

/

انا مقتلكش بالسف ابغني

/

قلبك من حقو يعشق لي يبغيه

/

انا طلبت منك غير تصارحيني و لو بخط برية وش عليه

/

و جوابك كيما كان يرضيني و ميهمنيش اذا كان لا لا و لا ايه

/

غير الكلمة تفري لي بينك و بيني

/

و تريحني من العذاب لي راني فيه

/

يا الغالية راكي عيتيني وقتاش قلب العاشق تفهميه

/

طبطبت و ناديت ما جوبتيني معرفتش علاش بابك بلعتيه

/

لو صرالك ما صرالي تعذريني

/

انا همي غير لي ربي عالم بيه

/

محقور في عشقك حقرتيني

/

قلبي كان هاني و انت هولتيه

/

مظلوم في غرامك ظلمتيني و جميع من ظلم الدنيا دارت عليه

/

بريئ و بسكاتك تهمتيني ربي يحاسبك على الشي لي درتيه

/

درتيني عدوك و في قفصك سجنتيني

/

عماتك الدنيا عقلك و درتيه

/

في سجن العذاب وحدي خليتيني بلعتي الابواب و المفتاح ديتيه

/

لا كان ربي كريم و قادر ينجيني و مبقالي غير نوكل امري ليه

/

قادر المولا يبليك كيما بليتيني و يسجنك في القفص لي راني فيه

/

مطلبتش الموحال غير حاجة تكفيني

/

صارحيني و لي في قلبك اهدريه

/

و انا لو حتى كان نعرف بلي تكرهيني

/

نحلف على وجهي متزيديش تشوفيه

/

و مانبكيلك و مطيح الدمعة من عيني

/

لو كان بكى قلبي نقلعه و نرميه

/

نبغيك نبغيك و منرضاش باه تذليني و لو نموت الذل منرضا بيه

/

انا نموت غير في القلب لي يبغيني و لي باعني دور الدنيا نشريه

/

انت صح طفلة شابة تعجبيني و هذا الشي لازم عليك تعرفيه

/

و متقدريش تعرفيه حتى تعرفيني

/

هامل في قلبي و زدتي هملتيني

/

الهامل لهموم لي عداها تكفيه

/

لا راني كي الطير في قفصك سجنتيني

/

لي بكيتو دمعة ربي عالم بيه

/

يا مفنين مراكش في هذا الهم وحدك

/

ماشي غير انت لي راك في الدنيا تعاني

/

حتى انا راه صرا بيا لي صرالك

/

لي درت فيه النية راه في سجن رماني

/

يا المقنين انا همي فات همك

/

و لو كان تعرف همي تبكي على حالي

/

تقدرت عليا و راني في قفص كيما قفصك

/

لي تمنيت فيه الخير راه رماني

/

يا المقنين انا ضري فات ضرك

/

هكذاك صابر لمكتوب الله كي بلاني

/

اذا انت مضرور ضرك في جناحك

/

انا ضري داخل في القلب دخلاني

/

انت لي ضلمك مهوش حبيب من حبابك

/

و انا الحبيب لي نحبو هو لي ظلمني

/

على هذا لي قتلك همي راه فات همك

/

و راك تعرف قيمة الحب لو كان جيت في مكاني

/

لو كان لي ظلمك جا حبيب قلبك

/

من كثرة الجراح متقدرش حتى تغني

/

انت مالقري عايش وحيد في سجنك

/

لكن عندك حبيب يتالم معاك ثاني

/

عندك حبيب مرة على مرة يجي يزورك

/

احمد ربي متبكيش راك خرمني

/

يا المقنين لوكان غير جيت في مكانك

/

على الاقل كان نموت نموت هاني

/

احمد الله يا المقنين على لي عطالك

/

و شحال من رجال راهي في الدنيا تعاني

/

عايشك بحال هذا الطير في قفصك

/

مجروح في قلبي و محسيتيش

/

عايش مسجون و المفتاح في يدك

/

يا الظالمة علاش علاش محنيتيش

/

كل ليلة سهران مع خيالك

/

طول الليل ساهر و خيالك ميفرقنيش

/

نشمخ القلم بالدموع و نكتبلك

/

و نقلك حني على حالي متظلمينيش

/

انت لي في البنات لي قلبي حبك

/

و بلا بيك الحياة ظلمة في الظلام متحلاليش

/

غير بنظرة وحدة في قلبي عشقتك

/

و لو كان تعرفي قدري متخلينيش

/

زهيت و حوست شحال قبلك

/

و لو جات لزهو انت متخلعينيش

/

و كان كذبتيني نديك تشوفي بعينك

/

باش تعرفي قدري اذا متعرفينيش

/

ماشي الخدع هو لي جابني عندك

/

جابني قلبي و قلبي مشارونيش

/

انا و جات ليا و لاه منحبك

/

و منين جا الراي لقلبي متلومينيش

/

هذا شحال و انا نستنى في جوابك

/

بكيت و غنيت و مجوبتينيش

/

الشي لي راه مهولني هو سكاتك

/

علاش ديما ساكتة متهدريش

/

اذا عندك حبيب في قلبك

/

ماشي من حقك باش متقوليليش

/

قوليهالي باي لغة نفهمك

/

المهم غير اتكلمي متسكتيش

/

غير كلمة تفري لي بيني و بينك

/

حتى كلمة لا منك متجرحنيش

/

الكلمة لي جات نقبلها منك

/

المهم كوني صادقة معايا متكذبيش

/

غير افهمي وش راني نهدرلك

/

انا راني خايف غير لو كان متفهمينيش

/

راني عايش كي الطير في قفصك

/

جرحي في القلب و محسيتيش

/

عايش مسجون و المفتاح في يدك

/

يا الظالمة علاش علاش محنيتيش

/
[center]